М. Лермонтов атындағы Мемлекеттік академиялық орыс драма театрында 17 ақпан күні сағат 19-00-де «Отель двух миров» спектаклінің премьерасы өтеді.

Үндінің Орындау өнері Ұлттық Орталығының шақыруымен ақпан айының 10-ы мен 25-сі аралағында Мумбай қаласында өтетін Халықаралық опера өнері фестиваліне Жамбыл атындағы Қазақ Мемлекеттік филармониясының Б.Байқадамов атындағы Мемлекеттік хор капелласы қатысады.

Алматыда ағымдағы жылы Алатау ауданында концерт залы салынады. Оны қала әкімі Ахметжан Есімов бүгін тұрғындармен есептік кездесуінде айтты.

Соңғы 10 жылдың ішінде театрларлар саны 20%-ға, кинотеатрлар мен кинозалдардың саны 40%-ға көбейді. Мұндай деректерді бүгін Астанада Мәдениет және ақпарат министрлігінің алқа мәжілісінде министр Дархан Мыңбай келтірді.

Мәдениет және ақпарат министрі Дархан Мыңбайдың айтуынша, ұлттық кинопрокаттағы өнімдер саны артып келеді. Бұл туралы ол аталмыш ведомствоның 2011 жылғы атқарған жұмыстарына байланысты өтіп жатқан алқа мәжілісінде айтты.

Қазақстан ұлттық кинематограф пресс-қызметкерлері айтуынша, Ш.Айманов атындағы „Қазақфильм„ АҚ киностудиясында шыққан Қазақстандық „Рывок„ және „Кто вы, господин Ка?„ фильмдері Индияда «The Third Eye Asian film festival» кинофестивалі конкурсына қатысады. Шараның ашылу салтанаты индиялық Мумбай қаласында өтеді. Кинофестиваль 29 желтоқсанға дейін болады.

АСТАНА. 21 желтоқсан. ҚазАқпарат. Мемлекет басшысы «Материалдық емес мәдени мұраны қорғау туралы конвенцияны ратификациялау туралы» Қазақстан Республикасының Заңына қол қойды.