Сәрсенбі, 25 мамыр 2011Бүгін елордада өтіп жатқан  Дүниежүзі қазақтарының IV Құрылтайында Мемлекет басшысы Нұрсұлтан Назарбаев Білім және ғылым министрлігі мен Мәдениет министрлігіне экспедициялар ұйымдастырып, ұлттық өнеріміздің  шетелдердегі құнды мұраларын жинақтауды тапсырды.

 

«Қазақтар тұрып жатқан шетелдерде ұлттық өнерді кеңінен таратуға жағдай жасауымыз керек. Біз қазақтың қаймағы бұзылмаған көрші елдерде ұлтымыздың аса құнды рухани мұралары сақталғанын жақсы білеміз. Сондықтан, Білім және ғылым министрлігі мен Мәдениет министрлігіне арнайы экспедициялар ұйымдастырып, осындай құнды мұраларды жинақтауды тапсырамын»,-деді Президент Н. Назарбаев.