Сәрсенбі, 18 мамыр 2011Елбасы Нұрсұлтан Назарбаевтың Жарлығымен «Қазақстан Республикасы Тәуелсіздігінің 20 жылдығы құрметіне арналған мерекелік медаль» тағайындалды. Мерекелік медаль елдің әлеуметтік, экономикалық дамуына үлес қосқан, халық үшін аянбай қызмет етіп, зор табыстарға жеткен Қазақстан және шетел азаматтарына берілетін болады. Бұл медальді Президентпен қатар мемлекеттік хатшы, облыс әкімдері табыстай алады.

 

«Мерейтойлық төс белгі кеуденің сол жағына тағылады. Ал, қалған медальдар бұдан кейін орналасуы тиіс», - деп көрсетілген ресми құжатта.

Төсбелгі - шеңбер пішіндес, диаметрі – 34 мм. Оның алдыңғы бетінің жоғарғы жағында 20 саны бейнеленіп, «0» таңбасы шапақ шашқан күнге ұқсатылған. Және де желбіреген көк байрақ та көрініс тапқан. Ал, төменгі бөлігінде Ақорда ғимараты кескінделген.