Сейсенбі, 13 қыркүйек 2011Қазақ киносының алтын қоры қайта оралуда              

Біз өткен жылы көрермендерімізге “Қазақ киносының алтын қоры” жобасы аясында кинематографиялық атақты туындылардың қайта оралып жатқанын қуана хабарлаған едік. Бұл жобаның мақсаты – Ш.Айманов атындағы “Қазақфильм” ұлттық ком­паниясы түсірген көркем фильмдерді қалпына келтіру және тиражын көбейту болатын.

Біз өткен жылы көрермендерімізге “Қазақ киносының алтын қоры” жобасы аясында кинематографиялық атақты туындылардың қайта оралып жатқанын қуана хабарлаған едік. Бұл жобаның мақсаты – Ш.Айманов атындағы “Қазақфильм” ұлттық ком­паниясы түсірген көркем фильмдерді қалпына келтіру және тиражын көбейту болатын.            Қазақстандық кинематографияның жауһарлары осы уақытқа дейін КСРО мемлекеттік фильм қорының Мәскеудегі мұрағатында сақталып келгені белгілі. Бірақ, олардың барлығы дерлік ескіріп, қазіргі заманғы бейнетаспаларға көші­рілу­ге сұранып тұрған еді. Сонымен был­тыр қайта қалпына келтірілген және жаңғыртылған кинотуындылардың алғашқы легі Ресейден қайтарылған болатын. 2005 жылы “Қазақфильмнің алтын қорының” алғашқы 10 киносы DVD-мен 5 мың дана, бейнетаспамен 10 мың данамен шығарылған болатын.Ал, биыл тағы да 20 фильм қалпына кел­ті­ріліп, қазіргі бейнетаспаларға көшіріліп, отан­дық көрермендерімізбен қауышқалы отыр.Қазақстан кинематографиясының мұрала­рын жаңғырту мен қайта қалпына келтіру идеясы ұлттық сана құндылықтарын сақтау қажеттігінен туындағаны аян. Мұндай ауқым­ды шаралар ірі ұйымдар мен қаржы инс­ти­тут­тарының көмегінсіз шешілмейтіндігі әркімге белгілі. Айтқандай, “Қазақ киносының алтын қоры” жобасының идеясын алғаш ұсынған ұлттық ки­но­ко­мпания­ның бас директорының орынбасары А.Жұмаділов болыпты. Сонымен бүгінгі ұрпақ үшін де тағылымы мол киномұраларымыздың ғұмырын ұзартып, елімізге қайтуына көмек көрсету үшін барлық банктерге демеушілік таныту туралы өтініш хат жазылып, оған ең алғашқылардың бірі болып “ТұранӘлемБанкі” жауап қайтарады.Аталмыш банктің негізін қалап, оның талантты жетекшісі болған марқұм Ержан Тәтішев пен “Қазақфильм” ұлттық кинокомпаниясының бас директоры Сергей Әзімовтің кездесулері “ТұранӘлемБанкі” мен “Қазақфильм” арасындағы достық пен түсіністіктің алғашқы баспалдағы болыпты. Ендігі жерде бұл жобаны іске асыруды – мәдениет пен іскерліктің арасына тартылған алтын көпір деп те атауға болатын шығар. Қазірдің өзінде аталмыш жобаны іске асыруға 11 816 660 теңге жұмсалған.Амандық болса, алдағы күндері, яғни 19 сәуір мен 4 мамыр аралығында “Алтын қордың” екінші легімен елге оралған отандық кинотуындыларымыз “Хабар” арнасынан кешкі мезгілде көрсетіле бастайды.Алғашқы лекте отандық көрермен­дері­мізге “Қыз Жібек”, “Көксерек”, “Транссібір экспресі”, “Менің атым Қожа” сияқты қай­та­ланбас он кинотуынды оралса, бұл жолы елге “Ботагөз”, “Алты жасар Алпамыс”, “Гауһартас”, “Даладағы қуғын”, “Жан­себіл”, “Заман-ай” сияқты жиырма жауһарымыз жаңғырып, жаңарып келіп жатыр.Осы сүйінішті оқиғаға орай, 3 сәуірде Алматыдағы “Цезарь” кинотеатрында баспасөз мәслихаты өтіп, оған Ш.Айманов атындағы “Қазақфильм” ұлттық киноком­пания­сы­ның бас директоры Сергей Әзімов, “ТұранӘлемБанк” өкілдері, режиссер Сатыбалды Нарымбетов, кинооператор Әубәкір Сүлеев, актриса Аянат Есмағамбетова қатысты. Қызу пікірталаспен өткен баспасөз мә­слихатында әріптестеріміз отандық кине­матографияда өздерін толғандырған сауалдарға жауап алды.Баспасөз мәслихаты аяқталған соң жоғары оқу орындарының кинематография факуль­тет­терінің студенттеріне режиссер К.Салы­қовтың “Балкон” фильмі көрсетілді. 

Алматы.

Суретті түсірген Берсінбек СӘРСЕНОВ. 

Авторы: Айнаш ЕСАЛИ.