Жұма, 30 қаңтар 2009Көпшілік елордада Тәуелсіздік сарайы ашылғанынан хабардар деген ойдамыз. Жақында осы сарайдың этнография залы мен көркемөнер галереясында “Ға­сыр­лар шежіресі” атты көрме ашылды.

Көрмеге ХІV-ХІХ ғ.ғ қол­дан­ба­лы қолөнер және ХІХ-ХХ ға­сырдағы белгілі қылқалам шебер­лерінің туындылары қойылған.

Ондағы негізгі жәдігерлер ағаштан, теріден, жүннен, жезден, күмістен және темірден жаса­лыпты. Зергерлік бұйымдардан: өңіржиек, алқа, тұмар, сырға мен сақиналар, түрлі білезіктер көздің жауын алса, батырлардың киім­дері мен қару-жарақтары, шоқ­парлар көненің көзіндей төрден орын алып тұр. Сондай-ақ,“Ше­бер­лер ауылы” дайындағансегіз қанатты киіз үй де көрмені та­машалаушылардың назарын бірден аударады. Киіз үйдің ішіне ағаш шеберлері жасаған музыкалық аспаптар, алашаның көне үлгілері қойылыпты.

“Көпшілік алғашқы екі залдан қазақтың Айша Ғалымбаева, Гүлфайруз Исмаилова және Әбіл­хан Қастеев, Қанапия Телжанов сияқты көрнекті суретшілерінің көркемөнер туындыларымен де жақын таныс бола алады. Біз бұл суреттердің кейбірін Алматыдағы қордан, сондай-ақ жеке сурет­шілердің қорларынан алып отыр­мыз”, – деді тәуелсіздік сарайы­ның директоры Т.Қышқашбаев. Ал экспонаттарды жинақтаушы, зергер Берік Әлібайдың айтуын­ша, ол бала жастан батырлардың қару-жарақтарын жинайды екен. “Алматыда студент кезімде жи­нақтаған түрлі қару-жарақ­та­рымды милициялар “суық қару­ды сақтағаны үшін” деп кәмпес­келей жаздаған” – дейді ол кү­ліп. Енді, міне, Берік Әлібай жи­нақтаған көне экспонаттар өз елімізде тұңғыш рет көрмеге қойылып отыр.

Авторы: Венера Түгелбай, ЕҰУ студенті.