Туған тарихын мен­сінбегендерден, бойына теңгермеген­дер­ден тексіздік жегі құрттай өніп шығатыны шындық. Қазақ ұлтының рухани өр­леуін­де үлесі ерекше оңтүстіктің бай тарихы – бүгін үшін де, ертең үшін де құнды дүние. Әсіресе, болашақта кім боламын, облысымызда елге елеулі, еңбегі өткен, үлгі алатын кі­міміз бар? Тәлім-тәрбие теретін өскелең ұрпақ үшін шапағаты ерекше кітап үш мың данамен “Қазақ энци­клопедиясы” баспасынан шыққан.Редакциялық алқаның төрағасы, облыс әкімі Болат Жылқышиев болса, ре­дакциялық кеңеске осы өңірдің тума­сы, академиктер Өмірзақ Айтбайұлы, Рахманқұл Бердібай сынды республикаға белгілі азаматтар кірген. Екі жыл бойы күріші мен күрмегі екшеліп, арғы-бергі тарихы таразыланған кітаптың тұсауке­сер рәсімінде сөз сөйлегендер елге еңбегі өткен көптеген азаматтардың энцикло­пе­дияға енбей қалғанына өкінішін біл­дірді. Бір кітаппен тұтас тарихты сүзіп, мар­жанын теру оңай дүние емес. Ал­ғашқы жинақтауда жіберілген олқылық­тар келесі басылымда ескерілетін болды. 

Оңтүстік Қазақстан облысы.

Авторы: Бақтияр ТАЙЖАН.