Дүйсенбі, 12 қаңтар 2009Елу жылдан бері “Егемен Қазақ­стан­ның” тұрақты оқу­шы­сымын. Газеттің со­циализм, кемелденген социализм, қайта құру заманындағы бет-бейнесі көз алдымда. Әр жолынан таптық көзқарас атойлап, сая­сат заһарын шашып тұрғанның өзінде оның нөмірлерінен ұлт мүддесіне, тарихына, өнері мен мәдениетіне жылы көңіл байқалып тұрушы еді.

Тәуелсіздік жылдары “Еге­мен Қазақстан” анадан жаңа ту­ғандай қайта жаңғырды. Ол – ұлт­тық рухтың қасиетті қара са­басы. Ол – ұрпақтар жалғасты­ғы­ның алтын арқауы. Ол – елі­мізде тұратын ұлттар мен ұлыс­тар өкілдерінің ортақ мәртебелі мінбесі. Президент Нұрсұлтан Назарбаев дамудың топырағы­мыз­да туған қазақстандық жо­лын ұсынғанда ата газетіміз оның мәні мен мәнісін бұ­қараға ұғынықты жеткізді, жеткізіп келеді де.Мен қазақ хандары, билері мен батырлары, тағ­дырлы оқиғалары жай­лы тарихи-танымдық ма­қа­лаларды оқығанда ар­қа­ланып, мемлекетті ұйыс­ты­рушы ұлттың өкілі бол­ғанымды мақтан етемін. Әлемдік өркениеттер және тұлғалар туралы тол­ға­ныс­тар көптің рухани сұранысына жауап береді. Оқтын-оқтын жа­рия­ланып жүрген жыр жауһарлары, әң­гімелер балалық шаққа алып ба­рады, бозбала сәтті елестетеді, то­лыс­қандағы азаматтық парыз құ­лақ­қа еніп, жүрек төріндегі жылы ұя­сына қонады. Тамаша сезім ләззаттары!“Егеменнің” орнықты қазақи мінезі, сегіз қырлылығы, байсалды ұстанымы ұнайды. Бала кезімдегі марқасқа, ақылман, ауылдың абыз ақсақалдарынан аумайды. Айқай-шу, желөкпелік, кенеусіз ауызға ерік берген жеңілтектік жоқ. Оның бүгінгі өмір жайлы терең­нен толғап, жан-жақты сарап­тап, кемшін жерлерімізді суырт­пақтап шығарған мақалаларын сүйсіне оқимыз. Ата газет қа­ры­мы қаржы дағдарысынан аз шы­ғынмен алысқа кетуге ұм­тыл­ған мемлекетіміздің, ірі және кіші бизнес өкілдерінің, қатар­да­ғы қазақстандықтардың іс-әрекетін, жаһандық тәжірибені баяндау стилінен көрініп отыр. Тәубе дейміз.Еліміздің экономикасы жаңа белеске көтерілді. Мәдени-тұр­мыстық жай-күйіміз жақ­сарып келеді. Жарқын бо­ла­шағы­мыздың кепілі ХХІ ғасыр­дың алтын жастарының алғаш­қы легі аренаға шықты. Ұлттық рухтың қара сабасы “Егемен Қа­зақстанды” оқыған олар Ота­нымыздың көк байрағын дүниежүзілік өркениеттің ең бір биік шыңдарына көтере бере­тініне сенемін.

Авторы: Сағындық ҚОЖАМСЕЙІТОВ, Жезқазған қалалық мемлекеттік мұрағатының директоры.