«Мәдени мұра» бағдарламасы бойынша шетелдік жобалар

Бағдарлама аясында алыс және жақын шетелдерде Дамаск (Сирия араб Республикасы) қаласында әл-Фараби кесенесі мен этномәдени орталығын салу, Сұлтан Бейбарыстың кесенесі мен Каир қаласында (Египет Араб Республикасы) Сұлтан Бейбарыстың мешітін қалпына келтіру, сонымен қатар Монғолия аумағында табылған көне түркі руникалық тас жазбаларының көшірмесін жаңғырту жобаларын іске асыру көзделіп отыр.

Қазақстанның Каир қаласындағы Сұлтан Бейбарыстың мешітін және  Дамаск қаласындағы кесенесін қалпына келтіру Әл-Фарабидің жерленген орнына кесене мен этномәдени орталық салу жұмыстарына қатысуы, осы көрнекті қайраткерлердің қазақ даласының перзенттері екендігін әлемге мойындататын маңызды қадам болмақ. Бағдарламаны іске асыру мақсатында Қытай, Монғолия, Түркия, Египет, Батыс Европаға, соның ішінде Париж, Мадрид, Берлин Ұлттық кітапханаларына, Ватиканның құпия мұрағатына Қазақстан үшін тарихи-мәдени құндылық болып табылатын қолжазбалар мен мұрағаттық құжаттар ескерткіштерін сәйкестендіру және жинау үшін ғылыми-іздестіру экспедициялары ұйымдастырылады. Монғолия, Қытай, Иран аумағына ғылыми-іздестіру экспедицияларын ұйымдастырылды, сондай-ақ ғылыми тұрғыда ерекше маңызды Монғолия территориясында орналасқан көне түркі руникалық жазулары бар «Тоныкөк» пен «Білге қаған» тастарының көшірмелерін жаңғырту жоспарлануда. Зерттеулер нәтижесінде көшпелілердің тарихы, археологиясы, этнологиясы, мәдениеті мен өнері  жөнінде ғылыми еңбектер,  атластар, этнографиялық карталар  басылып шығады.

Қазақстан тарихына қатысты шетелдердегі ескерткіштерді қайта жаңғырту жұмыстары
Қазақ халқының мәдени мұрасы саласындағышетелдік ғылыми зерттеу

Пайдалану сілтемелер:

"Тәуелсіз Мемлекеттер Достасты,ына қатысушы мемлекеттердің мәдени құндылықтарды ұрлауға қарсы күрестегі және оларды қайтаруды қамтамасыз етудегі ынтымақтастығы туралы келісімді ратификациялау туралы" Қазақстан Республикасы Заңының жобасы туралы Қазақстан Республикасы Үкіметінің 2008 жылғы 24 қарашадағы N 1083 Қаулысы