«Мәдени мұра» мемлекеттік бағдарламаның іс-шаралар жоспарына сәйкес, төрт жылдың ішінде  жаңарту жұмыстары 51 тарихи-мәдени мұра ескерткіштерде аяқталды.

Қазақстан Республикасы Білім және ғылым министрлігінің Археология институты, Л.Н.Гумилев атындағы Еуразия ұлттық университеті, Қарағанды, Павлодар, Көкшетау, Қостанай мемлекеттік университеттері   «Мәдени мұра» мемлекеттік бағдарламасының іс-шараларын жүзеге асыру мақсатында Қазақстан аумағындағы 39-ға жуық қалашықтарда, қоныстарда және қорғандарда  археологиялық зерттеулердің маусымдық жұмыстарын жүргізді: Ақмола облысындағы Бұзоқ, Алматы облысындағы Есік, Қойлық, Талғар, Атырау облысындағы Сарайшық, Оңтүстік Қазақстандағы Жуантөбе, Қараспан төбе, Шымкент, Сауран, Сидақ, Отырар, Шығыс Қазақстандағы Берел, Шілікті, Жамбыл облысындағы Ақыртас, Батыс Қазақстандағы  Қырық оба, Қарағанды облысындағы Тоқтауыл, Айбас, Кент,  Талдысай  және т.б. қоныстар  мен  қалашықтырда.

Республикалық маңызы бар Тарих және мәдениет ескерткіштерінің мемлекеттік тізімі бекітілді.
Қазақ халқының мәдени мұрасында тарихи маңызы бар қолжазбаларды, жәдігер басылымдарды, кітаптар мен мұрағаттық құжаттарды табу және сатып алу үшін алыс және таяу шетел қалаларының мұрағаттары мен кітапханаларына ғылыми-зерттеу экспедицияларын ұйымдастырылды,  ұлттық мәдениетімізде айрықша орын алатын қолданбалы, тарихи-мәдени, сәулет және археологиялық ескерткіштерге  ғылыми зерттеу  жұмыстары жүргізілді.

«Ұлттық және әлемдік ғылыми ой-сана, мәдениет және әдебиет басылымдарының серияларын әзірлеу» бөліміндегі жобаларды жүзеге асыру   жұмыстары,  құжаттарды әзірлеу мен баспадан басып шығару жөніндегі бекітілген кестеге сәйкес жүргізілді.